काठमाडौँ । कोरोना भाइरस (कोभिड–१९)को महामारी बढेपछि उपत्यकाका पसलहरू बिहान ९ बजेसम्म मात्र खोल्न पाउने निर्णय भएको छ । मंगलबार उपत्यकाका तीनवटै जिल्लाका प्रमुख जिल्ला अधिकारी (सिडिओ)हरूको बैठकले बिहान ९ बजेसम्म मात्रै पसल खोल्न पाइने र बेलुका पूर्ण रुपमा बन्द गरिने निर्णय गरेको हो ।

नागरिकलाई अत्यावश्यक कामबाहेक बाहिर निस्कनेलाई कडाई गरिने काठमाडौँका प्रमुख जिल्ला अधिकारी काली प्रसाद अधिकारीले जनाए । बैंक तथा वित्तिय संस्थामा केन्द्रीय कार्यालयको हकमा २० प्रतिशत कर्मचारी र शाखामा २५ प्रतिशत कर्मचारी राखेर सञ्चालन गर्न पाइने उनले जनाएको छ ।

सरकारी कार्यालय, मन्त्रालय र विभागमा ४० प्रतिशत कर्मचारीबाट सेवा प्रवाह गरिने समेत उनले जानकारी दिए ।