काठमाडौँ । आर्थिक वर्ष २०८२/८३ को बजेटसँग सम्बन्धित अर्थ मन्त्रालयका प्रकाशनहरुको तयारी अन्तिम चरणमा पुगेको छ। अर्थ मन्त्रालयका प्रवक्ता श्यामप्रसाद भण्डारीका अनुसार आर्थिक सर्वेक्षण, सार्वजनिक संस्थानहरुको प्रगति विवरण, मन्त्रालयगत प्रगति विवरण र प्राविधिक सहायता परिचालन सम्बन्धी विवरणको तयारी अन्तिम चरणमा छ।

यसैगरी, बजेट वक्तव्य, व्यय अनुमान, आर्थिक विधेयक, विनियोजन विधेयक, राष्ट्र ऋण उठाउने विधेयक र ऋण तथा जमानत विधेयकको तयारी पनि तीव्र गतिमा भइरहेको छ।

मन्त्रालयले यसअघि नै आगामी आर्थिक वर्षको बजेट सिद्धान्त तथा प्राथमिकता संसदमा पेश गरिसकेको छ।