काठमाडौँ। बानेश्वरस्थित संघीय संसद् भवनमा जारी विपक्षी दलको बैठक सकिएको छ।

जारी सदन अवरोध र गृहमन्त्री रमेश लेखकको राजीनामाका विषयमा केन्द्रित उक्त बैठकले गृहमन्त्रीले राजीनामा नदिएसम्म सदनको अवरोध जारी राख्ने निर्णय गरेको छ।

‘भिजिट भिसा प्रकरणमा गृहमन्त्रीले राजीनामा नदिएसम्म हिजाेकाे आन्दोलन यथावत् राख्ने निर्णय भएकाे छ,’ सांसद माधव सापकोटाले भने।

यसैक्रममा प्रधानमन्त्री केपी शर्मा ओलीले विपक्षी दलका नेता पुष्पकल दाहाल ‘प्रचण्ड’लाई फाेन गरेर सदनकाे अवराेध खाेल्न अनुराेध गरेका छन्। प्रचण्डले गृहमन्त्री रमेश लेखकले राजीनामा नदिएसम्म सदनकाे अवराेध खाेल्न नसक्ने जवाफ दिएकाे सांसद सापकोटाले जानकारी दिए।

यता, बालुवाटारमा बसेको गृहमन्त्री रमेश लेखकसहित ओली र कांग्रेस सभापति शेरबहादुर देउवाको बैठकले लेखकलाई राजीनामा नगराउने निर्णय गरेको छ। यद्यपि, लेखकले आफू राजीनामा दिन तयार रहेको बताएका थिए।