काठमाडौं । कजारियाले आफ्नो सबैभन्दा प्रिमियम उत्पादन एच.डि पोलिस्ड टायल (६०x१२० से.मी.) सार्वजनिक गरेको छ ।

नेपालमा पहिलोपटक केवल कजारियामा मात्र उपलब्ध यो विशेष टायलले सौन्दर्य, मजबुती र अत्याधुनिक प्रविधिलाई एकसाथ जोड्दै देशमा लक्जरी फ्लोरिङको नयाँ पहिचान बनाएको छ ।

कम्पनीका अनुसार विश्वस्तरीय मापदण्ड अनुसार नवीनतम प्रविधिद्वारा निर्मित, एच.डि पोलिस्ड टायल विशेषगरी भित्री सतहका लागि डिजाइन गरिएको हो । ऐना जस्तै चम्किलो, उच्च गुणस्तरीय प्रिन्ट र सुपर–स्मूथ फिनिश रहेको यस टायलले जुनसुकै ठाउँलाई अझ आकर्षक र भव्य बनाउँछ । अत्यन्त टिकाउ, घिसावट प्रतिरोधी, न्यून पानी सोस्ने क्षमता भएको यो टाइल पाँचतारे होटल, लक्जरी मल, उच्चस्तरीय शोरूम तथा अन्य प्रिमियम इनडोर स्पेसको लागि उत्कृष्ट रोजाइ हो ।

यो टायल शहरी क्षेत्रमा पहिले नै लोकप्रिय बनिसकेको छ र नेपालका आर्किटेक्ट र इन्टेरियर डिजाइनरलाई यस टायलमार्फत गुणस्तरमा नयाँ मापदण्ड प्रदान गर्न उत्साहित भएको कजारिया रामेश टाइल्स लिमिटेडका निर्देशक हिमांशु अग्रवालले बताए । ६०x१२० से.मी.को एच.डि पोलिस्ड टायल सधैं उत्कृष्टता खोज्नेका लागि बनाइएको टायल हो ।

उचित हेरचाह साथ दशकौँसम्म टिक्ने गरी निर्माण गरिएको यो टायलले केवल ठाउँको सौन्दर्य बढाउने मात्र होइन सफाई र मर्मतमा पनि सजिलो बनाउने कम्पनीले बताएको छ । प्रिमियम प्रिन्ट र चम्किलो फिनिशसहित प्रत्येक टायलले भुइँलाई अझ आकर्षक र सुन्दर देखिने बनाउने कम्पनीकाे भनाइ छ ।

पाँचतारे होटल, लक्जरी अपार्टमेन्ट, मल र अन्य व्यवसायिक स्थानबाट बढ्दो मागसँगै, कजारियाको एच.डि पोलिस्ड टायल नेपालमा प्रिमियम फ्लोरिङका लागि पहिलो रोजाइ बन्न थालेको कम्पनिले बताएकाे छ ।

नेपालभर ४० भन्दा बढी एक्सक्लुसिभ शोरूमहरू र एक सय बढी भरपर्दो डिलरको बढ्दो नेटवर्कको साथ कजारिया प्रिमियम टाइल्सको क्षेत्रमा एक परिचित नाम बन्न सफल भएको छ । कजारियाले ३०x३० से.मी., ३०x६० से.मी., ३०x४५ से.मी., ६०x६० से.मी., ६०x१२० से.मी. र १९.५x१२० से.मी. जस्ता विभिन्न साइजमा वाल र फ्लोर टाइल्सको विस्तृत र आकर्षक विकल्पहरु उपलब्ध गराउँछ ।

गुणस्तर, टिकाउपन र नविन डिजाइनमा केन्द्रीत रहँदै कजारिया नेपालमा लक्जरी जीवनशैलीको नयाँ मापदण्ड स्थापित गर्दै अघि बढिरहेको छ ।