दमौली ।गत शनिबारदेखि बेपत्ता यहाँको बन्दीपुर गाउँपालिका–३ का ५६ वर्षीय मङ्गले नेपालीको शव शेराटारस्थित खुदी खोलाको दहमा फेला परेको छ।

नेपालीको शव खुदी खोलास्थित तानेको रहमा तैरिएको अवस्थामा फेला परेको जिल्ला प्रहरीका प्रहरी नायब उपरिक्षक अशोक थापाले जानकारी दिए। मृतकको शव परीक्षणपश्चात् आफन्तको जिम्मा लगाइएको छ।

बेपत्ता नेपालीको खोजतलास भइरहेको थियो। नहर छेउमा निजले प्रयोग गर्ने कपडा र चप्पल फेला परेको छ। घटनाबारे थप अनुसन्धान भइरहेको प्रहरीले जनाएको छ।