नेपाली कांग्रेसका नेता डा शेखर कोइरालाले पार्टीका नेताहरुलाई बैठक आभ्वान गरेका छन्। पार्टी अनुशासन समितिले कारबाही गरेका नेताहरूमा अधिकांश आफ्ना पक्षका परेको भन्दै रुष्ट रहेका शेखरले बिहीबार बिहान ८ बजेका लागि बैठक बोलाएका हुन्। बैठक उनकै सम्पर्क कार्यालय विशालनगरमा बस्नेछ।

बैठकमा अनुशासन समितिको कारबाहीको विषयमा कुरा हुने जनाइएकाे छ ।

अनुशासन समितिले लुम्बिनीका महामन्त्री, खोटाङका जिल्ला सभापति र कास्कीका निवर्तमान जिल्ला सभापतिसहित १८ नेतालाई १ वर्षका लागि पार्टीबाट निष्काशन गर्ने गरी कारबाही गरेको छ। 

लुम्बिनीका महामन्त्री विक्रम खनाल, खोटाङका सभापति विष्णुकुमार राई र कास्कीका निवर्तमान सभापति कृष्ण केसी शेखर समूहका नेता हुन्। यीबाहेक कारबाहीमा परेका अधिकांश नेताहरू
 शेखर समूहकै रहेको उनीहरूको दाबी छ।