काठमाडौँ। दुर्गेश थापाको नयाँ गीतले युट्युबमा अपलोड भएको एक दिनमा सर्वाधिक हेरिएको नेपाली गीतको रेकर्ड बनाएको छ ।

बुधबार साँझ अपलोड भएको ‘जाने भए जाम माया’ बोलको उक्त गीतले २१ घण्टामै १७ लाखभन्दा बढी भ्युज पाएको हो । योसँगै उक्त म्युजिक भिडिओ नेपालमा युट्युब ट्रेन्डिङको पहिलो नम्बरमा आएको छ ।

यसअघि यस्तो रेकर्ड विष्णु माझीको गीत ‘आइन आम यो तीजमा’ले राखेको थियो । माझीको गीतलाई रिलिजको दिनमा १५ लाख पटक हेरिएको थियो । दुर्गेशको गीतले रिलिजको २० घण्टामै विष्णु माझीको गीतको उक्त रकर्ड तोडेको हो ।

यो समाचार तयार पार्दासम्म दुर्गेशकाे ‘जाने भए जाम माया’ मा १७ लाख बढी भ्युजसँगै १ लाख ९२ हजार लाइक र करिब १७ हजार कमेन्ट आइसकेका छन् ।