काठमाडौं । २२ करोड रुपैयाँ हिनामिना गरेको आरोपमा पक्राउ परेका सेयर कारोबारी दीपेन्द्र अग्रवाललाई थुनमा राखेर अनुसन्धान गर्न काठमाडौं जिल्ला अदालतले प्रहरीलाई अनुमति दिएको छ ।

सोमबार बिहान टोखाबाट पक्राउ परेका उनलाई प्रहरीले लगत्तै अदालतमा उपस्थित गराएको थियो । अदालतले अग्रवाललाई ३ दिन हिरासतमा राखेर अनुसन्धान गर्न काठमाडौं प्रहरीलाई अनुमति दिएको हो ।

प्रहरीले उनीविरुद्ध ठगी र आपराधिक लाभ लिन नहुने कसुरमा अनुसन्धान गरिरहेको छ ।

जनकपुरका दिनेशप्रसाद शाहले आफूसँग ६ करोड ४५ लाख रुपैयाँ ठगी गरेको भन्दै जाहेरी दिएपछि प्रहरीले अग्रवालको खोजी थालेको थियो ।