कपिल शर्माको क्यानडाबाे कफी शपमा फेरी गोली प्रहार

क्यानडा । क्यानडाको ब्रिटिस कोलम्बियाको सरेस्थित कमेडियन कपिल शर्माको क्याफेमा फेरी गोली हानाहान भएको छ ।
मिडिया रिपोर्टका अनुसार बिहीबार बिहान ८५ एभिन्यू र स्कट रोडमा रहेको यो क्याफेको झ्यालमा कम्तिमा ६ बुलेट प्वाल र टुटेको सिसा देखिएको थियो ।
लरेन्स ग्याङसँग सम्बन्धित गोल्डी ढिल्लनको एउटा पोस्ट भाइरल भइरहेको छ, जसमा उनले कपिलको क्याफेमा भएको गोलीबारीको जिम्मेवारी लिएका छन्, यो पोस्ट कुन सामाजिक साइटमा गरिएको हो ? यो स्पष्ट छैन।
एक महिनाअघि पनि यहाँ गोली चलेको थियो । त्यसपछि आक्रमणकारीले क्याफेमा ९ राउण्ड फायर गरेका थिए । त्यसपछि खालिस्तानी आतंकवादी हरजीत सिंह लड्डीले आक्रमणको जिम्मेवारी लिएका थिए।
हिजो साँझ भएको गोली बारीबारे प्रहरीले अहिलेसम्म कुनै जानकारी दिएको छैन् तर सरे प्रहरी टोलीले घटनास्थलमा अनुसन्धान गरिरहेको छ।
स्थानीय बासिन्दा बब सिंहले सञ्चारमाध्यमलाई भने, ‘मैले आफ्नो घरबाटबाट हेरेँ र पाँच–छ वटा गोली चलेको आवाज सुनें । यसपछि प्रहरी आयो ।’
कपिल शर्माले तीन दिनअघि आफ्नो क्याफेमा भएको गोलीकाण्डमा पहिलो पटक प्रतिक्रिया दिएका थिए । कपिलले सामाजिक सञ्जालमा जारी विज्ञप्तिमा सरेका मेयर ब्रेन्डा लोके र प्रहरीलाई धन्यवाद दिएको बताएका छन् ।
उनले लेखेका छन्, ‘हामीलाई माया र समर्थन देखाउन आएका सबै अधिकारीहरूलाई धन्यवाद। हामी हिंसाको विरुद्धमा एकजुट छौं।’ कपिलले आफू र आफ्नो परिवार नडराउने र शान्ति र सुरक्षाको पक्षमा दृढ भएर उभिने स्पष्ट पारेका छन् ।








दोलखामा एमाले प्रतिनिधि सर्वसम्मत
एनपिएलमा पहिलोपटक विदेशी कप्तान
रामेछापमा बाघको आक्रमणबाट महिलाको मृत्यु
बङ्गलादेशकी पूर्व प्रधानमन्त्री खालिदा जिया अस्पताल भर्ना, स्वास्थ्य चिन्ताजनक
एनपिएलः अपराजित विराटनगर किङ्ग्सको यात्रामा चितवन राइनोजले लगायाे ब्रेक
आज २०८२ साल मंसिर ११ गते बिहीबारको राशिफल
सेना परिचालन गर्न राष्ट्रपतिको स्वीकृति
प्रेस काउन्सिलले मेरो न्यूजलाई पत्र काटेकोमा काउन्सिलकै सदस्यकाे फरक मत
प्रधानमन्त्रीको सचिवालयमा अब कति जना ?
प्रतिक्रिया