मम्मी ! म आज पनि
उस्तै किताब पढ्छु,
जस्तो तपाईले सिकाउनुभयो ।
मेरो अनुहार, हासो देखेर
सबै भन्छन् – ठ्याक्कै मम्मी जस्तै ।
मेरो सबै पाईला
तपाई कै एक हेराई हो,
म कसरी ?
अरुको धेरै र तपाईको
थोरै बने ?..
मम्मी ! किताब पढ्ने निहुँ
तपाईको एक हेराई हुँ ।

मलाई राम्रै याद छ,
भाइलाई बुबु चुसाउदै
मलाई किताब पढ् भन्नुभाकोे
केही खाने ईच्छा हुँदा
थोर–धेर खोजी ल्याको
मंम्मीको पूजा कोठामा
जति ढल्थ्यो मंगलबार,
उति बल्थ्यो दियो‘

म कसरी ?
किताबको नजिक
तपाईबाट टाढा भइदिए
मम्मी ! म अनन्तः
तपाई नजिक आउनै सकिन
किताब एउटा निहुँ भयो
मम्मी ! म भाग्यमानी बन्न
किताब पल्टाईरहन्छुँ
लाग्छ मंगलबार नआओस्
मम्मी ! तपाईलाई सम्झिनुमात्रको विकल्प छैन ।
मम्मी ! यो संसारबाट आज मंगलबार बिदा हुनुभो ! फोटो र सम्झनामा मात्र

यो पनि पढ्नुहोस्

मम्मीको मंगलबार