काठमाडौं– पूर्व प्रधानमन्त्री लोकेन्द्रबहादुर चन्दको नयाँ कृति प्रकाशन हुने भएको छ ।

मदन पुरस्कार विजेतासमेत रहेका चन्दको नयाँ उपन्यास ‘बदलिँदो समयचक्र’ यही भदौ २० गते विमोचन गर्ने तयारी रहेको सम्वर्द्धन पब्लिकेसन्सले जनाएको छ ।

सामाजिक कथावस्तुमा आधारित १४४ पृष्ठको उपन्यासलाई २५ उपशीर्षकमा बाँडिएको छ ।

चन्दका कथा, नाटक र उपन्यास गरी दर्जनौँ कृती प्रकाशित छन् । उनको विसर्जन कथासंग्रहले २०५४ सालमा मदन पुरस्कार प्राप्त गरेको थियो ।उनका अपराजिता, बाह्रौँ खेलाडी, रात्री भोज,  हिउँको तन्ना, नेताको साथी जस्ता चर्चित पुस्तक प्रकाशित छन् ।