सुर्खेत । गुर्भाकोट नगरपालिका(३ कुरिलेस्थित सडकबाट चितुवाको छाला सहित एक जनालाई प्रहरीले पक्राउ गरेको छ ।

७ फिट ६ ईन्च लम्बाई भएको १ थान चितुवाको छालासहित गुर्भाकोट नगरपालिका-९ बस्ने ३६ वर्षीय वीरेन्द्र कुमार खत्रीलाई बुधबार दिउँसो प्रहरीले पक्राउ गरेको हो ।

बोटोचौरबाट जाजरकोटतर्फ जाँदै गरेको भे.४ प ४८८७ नम्बरको मोटरसाइकललाई ईलाका प्रहरी कार्यालय छिन्चुबाट खटिएको प्रहरीले जाँच गर्ने क्रममा लुकाई ल्याएको अवस्थामा उक्त छाला सहित फेला पारी उनलाई पक्राउ गरिएको जिल्ला प्रहरी कार्यालय सुर्खेतले जनाएको छ ।

यस घटनाको विषयमा थप अनुसन्धान भईरहेको प्रहरीले जनाएको छ ।