ललितपुर । ललितपुरकाे गाेदावरी नगरपालिका–३ का वडाध्यक्षराज घिमिरेले देशको हालको कठिन परिस्थितिलाई ध्यानमा राख्दै यस वर्ष दशैं नमनाउने बताएका छन् ।

साेमबार सामाजिक सञ्जालमार्फत उनले दशैं नमनाउने तर दशैंमा हुने खर्च जेनजी आन्दाेलनमा घाइतेहरू र ध्वस्त भएका प्रहरी चौकीकाे पुनर्निर्माणमा लगाउने घोषणा गरेका छन्।

‘देशको यो विषम अनि दु:खद परिस्थितिलाई ध्यानमा राखी म यो पटकको दशैं नमनाउने तर दशैंमा हुने खर्च घाइतेहरु र ध्वस्त भएका प्रहरी चौकी पुनर्निर्माण र चौकी फेरि स्थापित गर्न दिने घोषणा गर्दछु’ उनले लेखेका छन्।