काठमाडौं । नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले मंगलबार पार्टी कार्यालयको अवलोकन गरेका छन् ।

‘जेनजी’को प्रदर्शनका क्रममा तोडफोड र आगजनी गरिएपछि प्रचण्ड पहिलोपल्ट पेरिसडाँडास्थित पार्टी कार्यालय पुगेका हुन् ।

कार्यालय अवलोकनपछि उनले नयाँ पार्टी कार्यालय बनाउने उद्घोष गरेका छन् । “पार्टीको नयाँ कार्यालय भवन सिंगो पार्टीपंक्ति, देशभित्र र बाहिरका सबै पार्टी सदस्यका सहयोगमा भव्य भवन बनाइनेछ,” उनले भने ।