काठमाडौं । जनमत पार्टीका वरिष्ठ उपाध्यक्षसहित ६ नेताले सामूहिक राजीनामा दिएका छन् । सीके राउतलाई नेतृत्व छाड्न २४ घण्टे अल्टिमेटम दिएका उनीहरूले आफै पार्टी छाेडेका हुन् ।

राजीनामा दिनेहरूमा जनमत पार्टीका वरिष्ठ उपाध्यक्ष अब्दुल खान, केन्द्रीय प्रवक्ता डा. शरत सिंह यादव, जनमत युवा सङ्घका केन्द्रीय संयोजक सञ्जय कुमार यादव, जनमत स्वास्थ्यकर्मी सङ्घका केन्द्रीय संयोजक सी.के. सिंह, सुदूरपश्चिम प्रदेशका वरिष्ठ प्रदेश इन्चार्ज राजाराम चौधरी र राष्ट्रिय परिषद् सदस्यसहित केन्द्रीय सदस्य विक्रम बहादुर बम रहेका छन् ।

बुधबार पार्टी अध्यक्ष राउतलाई राजीनामा दिन उनीहरूले २४ घन्टे अल्टिमेटम दिएका थिए ।