काठमाडौं । राष्ट्रिय प्रजातन्त्र पार्टी (राप्रपा)ले नवगठित मधेश प्रदेश सरकारमा सहभागी आफ्नो पार्टीकी मन्त्रीलाई फिर्ता बोलाएको छ ।

मधेशका नवनियुक्त मुख्यमन्त्री सरोजकुमार यादवले आज बिहान राप्रपाकी कन्चन बिच्छालाई मन्त्रीमा नियुक्त गरेका थिए । तर, उनी नियुक्त भएको केहिबेरमै पार्टी अध्यक्ष राजेन्द्र लिङ्देनले बिच्छालाई फिर्ता बोलाएका हुन् ।

‘मधेश प्रदेश सरकारमा राप्रपाको सहभागिताप्रति हाम्रो गम्भीर ध्यानाकर्षण भएको छ । यो अनुशासनको गम्भीर उल्लंघन हो । राप्रपाका सदस्यलाई तत्काल सरकारबाट फिर्ता हुन निर्देशन छ । अन्यथा, विधानबमोजिम कारबाही हुने जानकारी गराउँछु’ अध्यक्ष लिङदेनले भने ।