काठमाडौँ । नेपालमा पछिल्लो २४ घण्टाभित्र ६ हजार ६४८ जना कोरोना भाइरस (कोभिड–१९) मुक्त भई घर फर्किएका छन् । स्वास्थ्य तथा जनसंख्या मन्त्रालयका प्रवक्ता जागेश्वर गौतमका अनुसार देशभरबाट कोरोना मुक्त भएर उनीहरू घर फर्किएका हुन् ।

सोही अवधिमा देशभर ७ हजार ३६८ जनामा कोरोना संक्रमण पुष्टि भएको छ । यो संख्या केही दिनदेखि देखिएको भन्दा कम हो । गत हप्ताभरि कोरोना संक्रमणको दर ९ हजारभन्दा माथि पुगेको थियो ।

यस्तै देशभर आज कोरोनाबाट मृत्यु हुनेको संख्या एक सय ४५ जना रहेका छन् । यसैगरी, काठमाडौं उपत्यकामा काठमाडौंमा १८८१, भक्तपुर २९२ र ललितपुरमा ४३६ संक्रमित थपिएका छन्।