काठमाडौं । नेपाल प्रिमियर लिग (एनपीएल)मा विराटनगर किंग्सले जनकपुर बोल्टमाथि रोमाञ्चक जित निकालेको छ।

विराटनगरले सोमबार कीर्तिपुरस्थित त्रिवि मैदानमा साविक विजेता जनकपुर बोल्टलाई ९ रनले पराजित गरेको हो।

जनकपुरले १३६ रनको सामान्य लक्ष्य भए पनि ९ विकेटको क्षतिमा १२६ रन मात्र बनाउन सक्यो। विराटनगरलाई जित दिलाउन कप्तान सन्दीप लामिछानेले चार विकेट लिए।

टस हारेर पहिला ब्याटिङ गरेको विराटनगरले २० ओभरमा ७ विकेट गुमाएर १३५ रन बनाएको थियो ।