काठमाडौँ । सिरहामा कोरोना भाइरस (कोभिड–१९) संक्रमणबाट एक जना चिकित्सक (डाक्टर)ले ज्यान गुमाएका छन् । जिल्लाको लहान नगरपालिका ६ घर भएका अर्थोपेडिक विशेषज्ञ डा मुकेश चौधरीको कोरोनाबाट मृत्यु भएको हो ।

नगरपालिकाका स्वास्थ्य शाखा संयोजक रामसुन्दर यादवका अनुसार डा चौधरी कोरोना संक्रमित भई ९ दिनदेखि होम आइसोलेसनमा बस्दै आएका थिए । सोमबार साँझ उपचारका क्रममा विराटनगरस्थित विराट नर्सिंङ होममा उनको मृत्यु भएको हो ।

३५ वर्षीय डा चौधरी डाइनोष्टिक सेन्टर सञ्‍चालन गरी सेवा दिने क्रममा संक्रमित भएका थिए ।