पोखरा । गण्डकी प्रदेशका मुख्यमन्त्री पृथ्वीसुब्बा गुरुङले मनित्रपरिषद् विस्तारको तयारी गरेका छन् । प्रदेश सभामा सवैभन्दा ठूलो दलको हैसियतमा संविधानको धारा १६८(३) अनुसार गत वैशाख २९ मा मुख्यमन्त्री नियुक्त भएका गुरुङले आज पूरानै मन्त्रीहरुलाई दोहोराएर मनित्रपरिषद् विस्तार गर्न लागेका हुन् ।

गुरुङ कोरोना संक्रमित भई आइसोलेसनमा बसेका कारण उनले यो वीचमा मन्त्रिपरिषद् विस्तार गरेका थिएनन । आज उनले सवै पू्ररानै अनुहारका मन्त्रीलाई नियुक्त गरेर मन्त्रिपरिषद् विस्तार गर्न खोजेका हुन् ।

उनले २ वजे प्रदेश मन्त्रिपरिषद् विस्तार गर्न लागेको उनको नीजि सचिवालयले जनाएको छ ।

शुरुमा भौतिक र आर्थिक मामिला मन्त्री मात्र नियुक्ति गर्ने र बजेट पछि मात्र उनले अन्य मन्त्रीको नियुक्ति गर्ने सोच बनाएपनि पार्टी नेताहरुको दवावका कारण उनले सवै यसपटकलाई पूरानै मन्त्रीलाई दोहोराउने भएका हुन् ।

यसअघिको मन्त्रिमण्डलमा समाजिक विकास मन्त्रालय नरदेवी पुन मगर, पर्यटन विकास लम्साल, आर्थिक तथा मामिला किरण गुरुङ, भौतिक विकास रामशरण बस्नेत र युवा तथा खेलकुद मन्त्रालय राजीव गुरुङ ‘दीपक मनाङे’ ले सम्हाल्दै आएका थिए ।