काठमाडाैं । नेकपा एमालेका अध्यक्ष केपी शर्मा ओलीले अराजकताको आयु लामो नहुने बताएका छन् ।

झापाको दमकमा नेपाली कम्युनिष्ट पार्टी (एकीकृत नेपाल कम्युनिस्ट पार्टी (माओवादी) का नेता गगन पुरीको आगजनी गरिएको घरको अवलोकनका क्रममा बिहीबार उनले अराजकताको आयु लामो नहुने भन्दै आपराधिक कृयाकलापमा संलग्नहरू कारबाहीको दायरा आउने बताए।

ओलीले भने, ‘सधैं अराजकता कहाँ टिक्छ र, एक दिन त कारबाहीको दायरामा ल्याएरै छोडिन्छ नि, बरु उजुरी–निवेदन लगायतको प्रकृया चाँहि अघि बढाउनु होला। अराजकताको आयु लामो हुँदैन नि’

नेता पुरीले आफूले सबै प्रमाणहरू संकलन गरिसकेको र कानुनी उपचारको प्रकृया पनि अघि बढाएको बताए।आगजनी र तोडफोडका क्रममा भएका सबै सम्पत्ति लुटिएको, घरायसी सामानहरू जलाइएको र घर पनि तोडफोड गरिएको उनले बताए।