काठमाडौँ । राष्ट्रिय सभाको उप निर्वाचनको मत गणना ४ः ३० मा सुरु हुने भएको छ । निर्वाचन आयोगले विज्ञिप्ती निकाल्दै ४ ः ३० बाट मत गणना गर्ने जनाएको छ । आयोगका अनुसार आज साँझ नै मतपरिणाम आउने छ ।

३ बजेसम्ममा शान्तिपूर्ण रुपमा मतदान सम्पन्न भएको आयोगले जनाएको छ । आयोगका अनुसार उपनिर्वाचनमा प्रदेश सभा सदस्य ११० र गाउँपालिकाका अध्यक्ष र उपाध्यक्ष तथा नगरपालिकाका प्रमुख र उपप्रमुख २३८ गरी जम्मा ३४८ जना मतदाता रहेकोमा प्रदेश सभा सदस्यतर्फ १०५ जना र स्थानीय तहतर्फ २३३ जना गरी जम्मा ३३८ जनाले मतदान गरेका छन् । यस मध्ये कोरोना भाइरस संक्रमित मतदाताको संख्या २५ जना रहेको छ । प्रदेशसभा सदस्यको मतभार ४८ र स्थानीय तह सदस्य तर्फको मतभार १८ रहेको छ ।

राष्ट्रिसभा सदस्य उपनिर्वाचनको मतगणना कार्यलाई व्यवस्थित गर्न मतगणना सम्बन्धी थप निर्देशन समेत निर्वाचन अधिकृतलाई आयोगबाट आज नै पठाइ सकिएको आयोगले जानकारी दिएको छ ।