काठमाडाैं । राष्ट्रिय प्रजातन्त्र पार्टीका तर्फबाट काठमाडौं–१ का उम्मेदवार रवीन्द्र मिश्रले प्रतिनिधि सभा निर्वाचनमा पराजयपछि विजयी उम्मेदवार रन्जु दर्शनालाई बधाई दिएका छन्।

राष्ट्रिय स्वतन्त्र पार्टी (रास्वपा) की उम्मेदवार दर्शना केही बेरअघि विजयी भएकी छिन् । मिश्र भने तेस्रोपटक पराजित भएका हुन्।

सामाजिक सञ्जाल फेसबुकमा मिश्रले रन्जु दर्शनाको पुरानो फोटो पोस्ट गर्दै लेखेका छन्– ‘तपाईँलाई वधाई तथा शुभकामना दिन चाहन्छु। भ्रष्टाचार नियन्त्रण, सुशासन र रूपान्तरणप्रतिको तपाईँको इमान र दृढता सदा कायम रहोस्!’

रन्जुले १५ हजार ४५५ मत प्राप्त गरेकी छन्। यहाँ कुल २९ हजार ७७४ मत खसेको थियो।