रुकुम पश्चिम । रुकुम पश्चिमको आठबिसकोट नगरपालिका र बाफिकोट गाउँपालिकाको मतगणना अन्तिम चरणमा पुग्दा नेपाली कम्युनिस्ट पार्टीका उम्मेदवार गोपाल शर्माले आफ्नो अग्रतालाई थप बढाएका छन्। 

गोपाल शर्माले ७ हजार २७२ मत प्राप्त गरी पहिलो स्थान सुरक्षित गरेका छन्। उनलाई पछ्याइरहेका प्रगतिशील लोकतान्त्रिक पार्टीका जनार्दन शर्मा ५ हजार १६० मतसहित दोस्रो स्थानमा रहेका छन्।

मुख्य प्रतिस्पर्धी मानिएका गोपाल शर्मा र जनार्दन शर्माबिचको मतान्तर अहिले २ हजार ११२ पुगेको छ। यस्तै, नेपाली कांग्रेसका उम्मेदवार राजु केसीले ४ हजार ८४२ मत प्राप्त गरेका छन्। राष्ट्रिय स्वतन्त्र पार्टीका मानवहादुर शाही १ हजार २५१ मत ल्याएर चौथो स्थानमा रहेका छन् भने नेकपा एमालेका नन्दराम देवकोटा ६२१ मत मात्रै पाएर निकै पछाडि परेका छन्।