काठमाडौँ । नेपाली कांग्रेसले समानुपातिक निर्वाचनपछि प्राप्त सिटअनुसार आफूले प्राप्त गरेको २० जनाको सूची निर्वाचन आयोगमा पठाएको छ । 

जहाँ १५ जना महिला र ५ पुरुषको सूची निर्वाचन आयोगलाई पेस गर्ने निर्णय गरिएको छ । आयोगले समानुपातिकतर्फको सूची बुझाउन आजसम्मको समयसीमा तोकेको थियो ।

कांग्रेसले खसआर्य कोटाबाट सुशीला ढकाल, रुक्मिणीदेवी कोइराला, रीना उप्रेती, सीता थपलिया ,काली बहादुर सहकारी , अर्जुननरसिंह केसी, आदिवासी जनजाति कोटाबाट. गीताकुमारी सेन्दाङ, गंगालक्ष्मी अवाल, गीता गुरुङ, रेनुका काउचा, मदन कृष्ण श्रेष्ठ भीष्मराज आङ्देम्बे सिफारिस भएका छन् ।

यस्तै मधेसी कोटाबाट निनुकुमारी कर्ण, रेखाकुमारी यादव. चन्द्रमोहन यादव , दलित कोटाबाट हरिनादेवी कामी, पवित्रा विक, मन माया विक, थारू कोटाबाट प्रमिलाकुमारी गच्छदार र मुस्लिम कोटाबाट शाहजान खातुन सिफारिस भएका छन् ।