काठमाडौं-  भदौ २३ र २४ को घटनासम्बन्धी जाँचबुझ आयोगको  प्रतिवेदन सार्वजनिक गर्न माग गर्दै युवाहरूले शनिबार पनि काठमाडौंको माइतिघर मण्डलामा विरोध प्रदर्शन गरेका छन्।

जनरल जेड नेपाल, राष्ट्रिय जननेता अभियान लगायतका समूहमा आवद्ध युवाहरूले आयोगको प्रतिवेदन लुकाउन खोजिएको भन्दै प्रदर्शन गरेका हुन्।

प्रदर्शनका क्रममा उनीहरूले ‘जेन(जी आन्दोलन खोलामा, प्रतिवेदन बन्द झोलामा’, जेनजीहरू नारामा आमा उता रारामा , ‘कार्की आयोगको प्रतिवेदन तुरुन्त सार्वजनिक गर’ लगायतका नारा लेखिएका प्लेकार्ड बोकेका थिए।

उनीहरूले सरकारी संरचना जलाउने र प्रहरीमाथि कुटपिट गर्ने जेनजी आफुहरू नभएको भन्दै भाद्र २३ र २४ का घटनामा दोषि देखिएकालाई कारवाही गर्नुपर्ने माग राखेका छन् ।

जाँचबुझ आयोगले आफ्नो प्रतिवेदन सरकारलाई बुझाएपनि अझै सार्वजनिक हुन नसकेपछि युवाहरूले आन्दाेलन सुरु गरेका हुन् ।नेपाल सरकारले गौरीबहादुर कार्कीको अध्यक्षतामा गठन गरेको छानबिन आयोगले हालै प्रतिवेदन पेश गरेको छ ।