इरानको सैन्य टोलीले यदि उसको पावर प्लान्टहरूलाई निशाना बनाइयो भने मध्य पूर्वमा रहेका अमेरिका र इजरायलसँग सम्बन्धित सम्पूर्ण ऊर्जा पूर्वाधारहरूमा आक्रमण गर्ने धम्की दिएको छ।

इरानको ‘खातम अल-अम्बिया’ केन्द्रीय कमान्डका प्रवक्ता इब्राहिम जोल्फगारीले इरानले अमेरिका र इजरायलसँग जोडिएका डिसालिनेशन प्लान्ट (नुनिलो पानीलाई पिउने योग्य बनाउने केन्द्र) र सूचना प्रविधि पूर्वाधारहरूमा पनि आक्रमण गर्ने बताएका छन्।

ट्रम्पले यदि इरानले ४८ घण्टाभित्र हर्मुज जलडमरूमध्य पुन: नखोलेमा इरानी पावर प्लान्टहरूमा आक्रमण गर्ने धम्की दिएपछि यो चेतावनी आएको हो।

यसैबीच, फार्स न्युज एजेन्सीले इरानी सर्वोच्च राष्ट्रिय सुरक्षा परिषदका दिवंगत प्रमुख अली लारिजानीको भनाइ उद्धृत गर्दै उल्लेख गरेको छ कि, “यदि इरानको विद्युत ग्रिडलाई निशाना बनाइयो भने आधा घण्टाभित्रै सम्पूर्ण क्षेत्र अन्धकारमय हुनेछ।”