इरानी अधिकारीहरूले आफ्ना आणविक ऊर्जा केन्द्रहरूमा आक्रमण नगर्न अमेरिकालाई चेतावनी दिइरहेका छन्। ट्रम्पले इरानका आणविक प्लान्टहरूमा आक्रमण गर्ने धम्की दिएपछि इरानको यो प्रतिक्रिया आएको हो।

इस्लामिक रिभोलुसनरी गार्ड कर्प्सले एक विज्ञप्ति जारी गर्दै भनेको छ कि, यदि ती ऊर्जा केन्द्रहरूलाई निशाना बनाइयो भने, हर्मोज जलमार्ग “पूर्ण रूपमा” बन्द गरिनेछ र ती सुविधाहरू पुनः निर्माण नभएसम्म खोलिने छैन।

विज्ञप्तिमा थप भनिएको छ:इजरायलका ऊर्जा केन्द्रहरू, ऊर्जा पूर्वाधारहरू, र सूचना तथा सञ्चार प्रविधिहरूलाई “व्यापक रूपमा निशाना बनाइनेछ”।

अमेरिकी सेयररहेका यस क्षेत्रका अन्य कम्पनीहरूलाई “पूर्ण रूपमा नष्ट” गरिने र अमेरिकी सैन्य आधार शिविरहरू रहेका यस क्षेत्रका देशहरूका ऊर्जा केन्द्रहरू पनि “वैध निशाना” हुनेछन्।