सरकारले विद्यालय र विश्वविद्यालयमा रहेका दलीय विद्यार्थी संगठन हटाउने भएको छ। 

मन्त्रिपरिषद्को शुक्रबार बसेको बैठकले पारित गरेको सय कार्यसूचीमा विद्यालय र विश्वविद्यालयमा रहेका दलीय विद्यार्थी संगठन हटाउने पनि उल्लेख छ। शिक्षा क्षेत्रमा दलीय हस्तक्षेप रोक्न दलीय विद्यार्थी संगठन हटाउने जनाइएको छ। 

दलीय विद्यार्थी संगठनको सट्टामा ९० दिनभित्र नयाँ संरचना बनाइने कार्यसूचीमा उल्लेख छ। जसमा विद्यार्थी काउन्सिल वा भ्वइस अफ स्टुडेन्ट नाम दिने जनाइएको छ।

‘शिक्षा क्षेत्रमा दलीय हस्तक्षेप, विद्यार्थीको वास्तविक आवाज नसमेटिने र शैक्षिक गुणस्तर गिरावटको समस्या समाधान गर्न ६० दिनभित्र विद्यालय/विश्वविद्यालय हाताबाट दलीय विद्यार्थी सङ्गठनका संरचना हटाई ९० दिनभित्र विद्यार्थी काउन्सिल वा भ्वाइस अफ स्टुडेन्ट  संयन्त्रको विकास गर्ने,’ सरकारले शासकीय सुधारका लागि भन्दै सार्वजनिक गरेको कार्यसूचीमा उल्लेख छ ।

विश्वविद्यालयहरूबाट लिइने स्नातक र स्नातकोत्तर परीक्षाको नतिजा शिक्षा विज्ञान तथा प्रविधि मन्त्रालयले उपलब्ध गराएको क्यालेन्डर अनुसार निकाल्ने भनिएको छ ।

यस्ता छन् बालेन सरकारको शासकीय सुधारका सय कार्यसूची