काठमाडौं । कोभिड–१९ नियन्त्रण र उपचारका लागि बनाइएको कोभिड–१९ युनिफाइड केन्द्रीय अस्पताल (वीर अस्पताल)को कमाण्डरमा स्वास्थ्य तथा जनसंख्या मन्त्रालयका प्रवक्ता प्राडा जागेश्वर गौतम नियुक्त भएका छन् ।

सोमबार मन्त्रिस्तरीय निर्णयबाट डा गौतमलाई युनिफाइड केन्द्रीय अस्पतालको प्रमुख प्रशासकीय अधिकारीमा नियुक्त गरिएको मन्त्रालयका प्रशासन प्रमुख दामोदर रेग्मीले जानकारी दिए ।

नवनियुक्त प्रशासकीय अधिकारी डा गौतमले भोलिदेखि नै कार्यभार सम्हाल्ने छन् । वीर अस्पतालकाे सेवालाई सुधारे र काेराेना महामारीविरूद्ध शसक्त ढंगले लड्ने बताए ।

डा गौतम र इन्सिडेन्ट कमाण्ड सिष्टमका प्रमुख डा गुणराज लोहनी युनिफाइड अस्पतालको प्रमुख प्रशासकीय अधिकारीका मुख्य दाबेदारका मानिएका थिए । डा गौतम स्वास्थ्य मन्त्रालयको ११ औं तहका वरिष्ठ अधिकारीका साथै वरिष्ठ चिकित्सक हुन् ।