इरानको इस्लामिक रिभोलुसनरी गार्ड कोर्प्स आइआरजिसीले स्ट्रेट अफ होर्मुज फेरि बन्द गरेको घोषणा गरेको छ । आफुहरुले स्ट्रेट अफ होर्मुज खोलेपनि अमेरिकाले इरानी बन्दरगाहहरूमा नाकाबन्दी जारी राखेका कारण स्ट्रेट अफ होर्मुज बन्द गर्नुपरेको इरानको भनाइ छ ।

आइआरजिसीको संयुक्त सैन्य कमाण्डले अमेरिकाले “नाकाबन्दीको नाममा समुद्री डकैती र चोरीजस्ता गतिविधिहरू जारी राखेको” आरोप लगाएको छ।

वक्तव्यमा भनिएको छ, “यस कारणले स्ट्रेट अफ होर्मुजमाथिको नियन्त्रण अघिल्लो अवस्थामा फर्किएको छ, र यो रणनीतिक जलमार्ग अहिले इरानी सशस्त्र बलहरूको कडा व्यवस्थापन र नियन्त्रणमा छ।”

यसमा थप भनिएको छ, “जबसम्म अमेरिकाले इरानबाट गन्तव्यतर्फ जाने र फर्किने जहाजहरूको पूर्ण आवागमन स्वतन्त्रता पुनःस्थापित गर्दैन, तबसम्म स्ट्रेट अफ होर्मुजको अवस्था कडाइका साथ नियन्त्रणमा रहनेछ र अघिल्लो अवस्थामै कायम रहनेछ।”

यो सँगै अमेरिका र इरानबीच हुने भनिएको वार्ता अनिश्चयता तर्फ धकेलिएको छ । दई देशबीचको सैन्य टकराव बढ्ने सम्भावना देखिएको छ ।