काठमाडौं । काठमाडौं उपत्यकाका तीनै जिल्लाका प्रमुख जिल्ला अधिकारीहरु (सीडीओ) को बैठक मंगलबार (आज) बस्दैछ । कोरोना नियन्त्रण र रोकथामका लागि लगाएको पूर्वनिर्धारित निषेधाज्ञाको समय सकिन दुईदिन बाँकी हुँदा निषेधाज्ञा थप गर्ने विषयमा छलफल काठमाडौ,भक्तपुर र ललितपुरका प्रमुख जिल्ला अधिकारीहरु (सीडीओ) को गर्न बैठक बस्न लागेको हो ।

सरकारले जारी गरेको कोभिड १९ संकट व्यवस्थापन अध्यादेशमा गरिएका व्यवस्थालाई प्रभावकारी रुपमा कार्यान्वयन गर्ने विषयमा समेत आजको बैठकले निर्णय लिने बताइएको छ ।
नयाँ अध्यादेशको निषेधाज्ञाको उल्लंघन गर्नेविरुद्ध छ महिनासम्म कैद र तीनलाखसम्म जरिवानाको व्यवस्था गरेको छ । भने मास्क नलगाई सार्वजनिक स्थलमा हिँड्दा हरेकपटक एक सय रुपैयाँ जरिवाना, मानिसको आवतजावतमा समेत रोक लगाइएको अवस्थामा हिँडडुल गर्दा मात्रै प्रत्येक पटक दुई सय रुपैयाँसम्म जरिवाना गराउने व्यवस्था उल्लेख रहेको छ ।

यसैगरी,रुपैयाँ, अनुमति विना सवारी चलाएमा दुई पांग्रेको हकमा एकपटकमा दुई सय रुपैयाँ र चार पांग्रेको हकमा पाँच सय जरिवाना तिर्नुपर्ने उल्लेख छ ।