काठमाडौँ । काठमाडौँ उपत्यकाको जडिबुटी मनोहरा नदी किनार क्षेत्रमा अतिक्रमित भूमि खाली गर्ने क्रममा तनाव उत्पन्न भएको छ । भक्तपुरतर्फको भागमा डोजर प्रयोग गरी बस्ती हटाउने प्रयास भइरहेका बेला केही स्थानीयले विरोध जनाउँदै ढुंगामुढा प्रहार गरेका हुन् ।

अतिक्रमित संरचना हटाउन पुगेका सुरक्षाकर्मी र प्राविधिक टोलीलाई लक्षित गर्दै ढुंगा प्रहार सुरु भएपछि अवस्था तनावपूर्ण बनेको छ । ढुंगामुडापछि केहीबेरदेखि भवन भत्काउने कार्य रोकिएको छ ।

चारैतिरबाट ढुंगामुडा प्रहार भएपछि सशस्त्र प्रहरी बल (एपीएफ) टोलीले आजका लागि अभियान स्थगित गरेको जनाएको छ । त्यसपछि टोली विस्तारै पछाडि हट्दै छ ।