काठमाडौं । राष्ट्रिय सभा सदस्यका लागि लुम्बिनी प्रदेशमा आसन्न उपनिर्वाचनको मौन अवधी सुरु भएको छ ।

निर्वाचन आयोगले विज्ञप्ति जारी गरी गएराती १२ बजेबाट मौन अवधी सुरु भएको जनाएको हो । मौन अवधीको समयमा निर्वाचन प्रचारप्रसार गर्न र मत माग्न नपाइने उल्लेख छ ।

यस्तै मौन अवधी सुरु हुनभन्दा अगाडी मतदान केन्द्रको ३०० मिटर वरिपरी राखिएका आ–आफ्ना निर्वाचन चिन्ह तथा प्रचा सामाग्री हटाएको हुनुपर्ने छ ।

एसएमएस, फेसबुक, भाइबर जस्ता विद्युतीय माध्यमबाट प्रयोग गरिने सामाजिक सञ्जालबाट मत माग्न प्रचारप्रसार गर्न नपाईने आयोगले जनाएको छ ।

आफु निर्वाचित दल माओवादी केन्द्र त्याग गरी चन्द्रबहादुर खड्का एमाले प्रवेश गरेपछि सो पद रिक्त भएको हो । रिक्त भएको स्थानमा पूर्ति गर्न पर्सी सोमबार उपनिर्वाचन हुन लागेको हो ।