काठमाडौँ । आर्थिक वृद्धि नाम मात्रको राखेको छ । ६ दशमलव ५ प्रतिशतको आर्थिक वृद्धि गर्ने लक्ष्य कम भयो । कोरोनाको बेला औषधि तथा खोप लक्ष्य हुनुपर्ने त्यसमा पैसा पुगेन । कोभिड-१९ ले पारेको प्रभावलाई नीति तथा कार्यक्रमले उन्मुलन नै गर्नुपर्ने । यो पुगेन ।

हाम्रो कामचलाउ सरकारले यस्ता राहतका खास क्रियाकलाप र कार्यक्रम नल्याएको बेलामा बजेटमै सम्बोधन गर्ला भन्ने अपेक्षा थियो । कोरोनाले संकटमा पारेको अर्थ व्यवस्थालाई माथि उकास्ला भन्ने जुन आमअपेक्षा थियो, त्यसमा तुषारापात भयो ।

बजेट सन्तुलित खालको ल्याउन खोजिएको छ । लक्ष्य बजेटको आकार बढाइनु निर्वाचनलाई केन्द्रविन्दु देखिएको छ । यो राम्रो पक्ष होइन । अल्पकालीन र दीर्घकालीन रूपमा सम्बोधन गर्न खोजिएन । विद्यार्थीको लागि ल्यापटप खरिदमा सुविधा राम्रो छ । यो बाहेक अरु देखिएन राम्रो ।
सरकारी सेवामा बसेकाहले केही राहत पाएका छन् तलव वृद्धिले । यसबाट हुने महँगीमा बजेट ‘साइलेन्स’ भएकोमा आपत्ति लागेको छ ।
सबैभन्दा जटिल पाटो भनेको कार्यान्वयनको पाटो हो । सरकारलाई त्यसका लागि सरकारले के गर्ने हो हेर्न बाँकी छ । कुनैपनि क्षेत्रले बजेटले हामीलाई ठूलो राहत दियो भनेर उत्साहित हुनुपर्ने अवस्था देखिएन ।