काठमाडौँ । कोरोना भाइरस (कोभिड–१९) नियन्त्रण गर्न चीन सरकारले पठाएको स्वास्थ्य सामाग्री तातोपानी नाका हुँदै नेपाल आइपुगेको छ । यसअघि समेत सहयोग सामाग्री प्रदान गर्दै आएको चीन सरकारले पठाएको स्वास्थ्य सामाग्री नेपाल आइपुगेको हो ।

चीन सरकारले पठाएको स्वास्थ्य सामाग्रीमा ८ सय अक्सिजन सिलिण्डर, २ सय आइसियू बेड, ४५ भेन्टिलेटर, १० कन्सेनेटर रहेका छन् । यस्तै, १५ हजार कोरोना परीक्षण गर्ने एन्टिजेन किट, २० स्वचालित एनालाइजर, २० वटा अल्ट्रासाउण्डलगायतका सामाग्रीहरू रहेका छन् ।

गत हप्ता मात्रै चीन सरकारले ३० हजार लिटर लिक्विड अक्सिजन, ८ सय थान अक्सजिन सिलिण्डर, १० अक्सिजन कन्सेनेटर ५ भेन्टिलेटर २ सय आइसियू बेडसहित १५ हजार एन्टिजेन किटलगायत स्वास्थ्य सामाग्री नेपाल पठाएका थिए ।