मकवानपुर । आठ वर्षीया बालिकालाई बाल यौन दुर्व्यवहार गरेको अभियोगमा एक जना पक्राउ परेका छन् । प्रहरीले सोमबार दिउँसो थाहा नगरपालिका ६ लिलाखेल बस्ने २६ वर्षीय राजु बलामीलाई पक्राउ गरेको हो ।

प्रहरीका अनुसार राजुले बालिकालाई आफ्नै घरमा ललाई फकाई यौन दुर्व्यवहार गरेको भन्ने खबर प्राप्त हुनासाथ इलाका प्रहरी कार्यालय पालुङबाट खटिएको प्रहरीले उनलाई पक्राउ गरेको हो ।

यस घटनाको थप अनुसन्धान भइरहेको जिल्ला प्रहरी कार्यालय मकवानपुरले जनाएको छ ।