काठमाडाैं । सत्तारूढ दल नेकपा (एमाले) काे झलनाथ खनाल-माधवकुमार नेपाल पक्षाकाे केन्द्रीय कमिटीकाे बैठकमा सदस्यहरूले धारणा राख्ने क्रम नसकिएपछि भाेलि पनि बैठक बस्ने भएकाे छ ।

भर्चुअल माध्यमबाट भएकाे उक्त बैठकमा आज ४३ जना नेताहरुले सुझावसहितका धारणा राखेका थिए । बैठक भोलि बिहान ११ बजेबाट फेरि शुरू हुने एक नेताले जानकारी दिए ।

आजको बैठकमा वरिष्ठ नेता झलनाथ खनालले पार्टी युवापुस्ताको काँधमा दिन तयार रहेको बताएका थिए । उमेर पुगेकालाई बिदा गरेर नयाँ युवा पुस्ताले आन्दोलन जोगाउने गरी नेतृत्व लिएर हिँड्न उनले आग्रह गरेको थिए ।

बैठकमा बाेल्ने अधिकांश नेताले ओलीले वार्ताका नाममा अल्झाउन खोजेको हो भन्ने धारणा राखेका थिए । उनीहरूले अब छुट्टै पार्टी बनाएर अघि जानुपर्नेमा नेतृत्व तयार हुनुपर्नेमा जाेड दिएका थिए ।

बैठकमा ८८ जना नेताहरु सहभागिता रहेकाे थियाे । बैठकमा पार्टी संस्थापन पक्षसँग संवादमा रहेका घनश्याम भुसाल, सुरेन्द्र पाण्डे, योगेश भट्टराई र गाकेर्ण विष्ट पनि सहभागी थिए ।