काठमाडौं । पार्टीले कारवाही गरी पदमुक्त गराएका राष्ट्रिय जनमोर्चाका गण्डकी प्रदेशका सांसद कृष्ण गथापालाई पर्नूवाहाली गर्न सर्वाेच्च अदालतले आदेश दिएको छ ।

न्यायाधीश कुमार चुँडालको एकल इजलासले थापालाई प्रदेशसभा सचिवालयले गरेका पदमुक्ती लगायतका सबै कारवाही मुद्दाको अन्तिम किनारा नलाग्दा सम्म कार्यान्वयनन गर्न अन्तरिम आदेश दिएको हो ।

सुविधा र सन्तुलनको हिसालबे अतुलतीय क्षति हुने देखिएकाले थापालाई प्रदेशसभा सदस्य पदमा पुनर्वहाली गर्न न्यायाधीस चुँडालले आदेश दिएका छन् ।

थापाको पूर्नवाहालीले गण्डकी प्रदेशका मुख्यमन्त्री पृथ्वीसुब्बा गुरुङले लिन लागेको विश्वासको मतमा बल मिलेको छ । थापा गुरुङको पक्षमा थिए ।

गुरुङको पक्षमा पार्टी निर्णय विपरित लागेको भन्दै जनमोर्चाले सांसद थापालाई कारवाही गर्ने निर्णय गरेको थियो ।