काठमाडौँ । स्वास्थ्य तथा जनसंख्या मन्त्री शेरबहादुर तामाङले आफ्नो मुख्य प्राथमिकता कोरोना भाइरस (कोभिड–१९) कहरबाट नेपाली जनतालाई मुक्त गर्ने बताएका छन् ।

उनले सोमबार आयोजित पत्रकार सम्मेलनमा आफू नागरिकको जीवन रक्षा गर्ने प्राथमिकता लिएर मन्त्रालय सम्हाल्ने जानकारी दिए । कोरोनाको तेस्रो लहरमा बालबालिकाहरूलाई बढी जोखिममा पर्ने विज्ञहरूले बताएको हुँदा त्यसका लागि आइसीयू थप गर्ने तयारी रहेको उनले जानकारी दिए ।

उनले सबै नागरिकलाई स्वास्थ्य बिमाको पहुँचमा पुर्याउने बताएका छन् । सोमबार आयोजित पत्रकार सम्मेलनमा उनले सबै नागरिकलाई स्वास्थ्य बिमाको पुहँचमा पुर्याउने बताएका हुन् ।

आम नागरिकहरूले आफूहरूले गरेका काममा खबरदारी गर्न उनले आग्रह गरे । उनले भने, “स्वास्थ्यमा रहेका कामहरू पारर्दशी बनाउने छु ।”