काठमाडौं । स्टक एक्सचेञ्जमा आबद्ध कम्पनीको शेयर कारोबार मापक नेप्से परिसुचक झिनो अंकले उकालो लागेपनि कुल नेप्से सूचक आइतबारको समान रहेको छ ।

नेप्से शुन्य दशमलब २१ अंकले उकालो लागेर कूल सुचक आइतबार समान २ हजार ९ सय ६ दशमलब ७ बिन्दुमा पुगेको छ । यो अघिल्लो दिनको तुलनामा शुन्य दशमलब शुन्य १ प्रतिशतले धेरै रहेको स्टक एक्सचेञ्जले जनाएको छ ।

पोखरा फाईनान्स लिमिटेड, आईसीएफसी फाईनान्स लिमिटेड लगायत १७ कम्पनीको सेयर मूल्य बढेको छ । त्यस्तै फाईनान्स, विकास बैंक लगायत ७ क्षेत्रको उपसुचक बढेको छ ।

नेपाल पूनर्बीमा कम्पनीको सबैभन्दा धेरै ६२ करोड १७ लाख र नेपाल इन्फ्रास्ट्रक्चर बैंकको ४६ करोड ६२ लाख रुपैयाँ बराबरको सेयर कारोबार भएको स्टक एक्सचेञ्जले जनाएको छ ।

सोमबार कूल २ सय २१ कम्पनीको १ लाख ५१ हजार ९ सय ४२ कारोबारबाट १५ अर्ब ८१ करोड ८६ लाख ५९ हजार ६३ रुपैयाँ बराबरका ३ करोड ५४ लाख ७४ हजार ४ सय १४ कित्ता शेयर खरिद बिक्रि भएका छन् ।