काठमाडौं । कर्णाली प्रदेश सभा बैठक शुरु भएको छ । भौतिक पूर्वाधार मन्त्री अम्मरबहादुर थापालाई प्रदेशसभा बैठकमा उपस्थित नहुने शर्तमा तीन दिनदेखि अवरुद्ध प्रदेशसभाको बैठक बिहीबार शुरु भएको हो ।

कर्णाली प्रदेशसभा सचिवालयका सचिव जीवराज बुढाथोकीका अनुसार सरकार पक्ष र नेकपा एमालेबीच मन्त्री थापालाई बैठकमा सहभागी नगराउने सहमति भएको छ । थापामाथिको मुद्दा सर्वोच्च अदालतमा विचाराधीन रहेको छ । जेठ ३० मा पेशीसमेत तोकिएको छ ।

प्रदेशसभाको आठौं अधिवेशनमा मन्त्री थापाको बर्खास्तीको माग राख्दै प्रमुख प्रतिपक्षी दल नेकपा एमालेले सदन अवरुद्ध गदै आएको थियो।