काठमाडौँ । काठमाडौँ उपत्यकाका प्रमुख जिल्ला अधिकारीहरुको बैठक आज बस्दैछ । उपत्यकाका ३ जिल्लाका प्रमुख जिल्ला अधिकारीहरुको बैठक दिउँसो ३ बजे बस्न लागिएको बताइएको छ ।

प्रमुख जिल्ला अधिकारीहरुको बैठकले निषेधाज्ञाको समय लम्ब्याउने वा मोडालिटी परिवर्तन गर्नेबारे निर्णय गरिने काठमाडौका प्रमुख जिल्ला अधिकारी कालीप्रसाद पराजुलीले बताए । छलफलमा निषेधाज्ञालाई कसरी अगाडी बढाउने भन्नेबारे निर्णय गरिने बताउदै उनले अहिलेसम्म त्यबारेमा कुनै धारण नभएको बताए ।

वैशाख १६ बाट जारी निषेधाज्ञा जेठ ३१ सम्म लम्ब्याएको थियो । छलफलमा काठमाडौंका प्रमुख जिल्ला अधिकारी कालीप्रसाद पराजुली, ललितपुरका प्रमुख जिल्ला अधिकारी ढुण्डी प्रसाद निरौला र भक्तपुरका प्रमुख जिल्ला अधिकारी भट्टराई सहभागी हुनेछन् ।