काठमाडौं । सामाजिक अभियन्ता भनेर चिनाउने ज्ञानेन्द्र शाहीले जनता टेलिभिजनका पत्रकारलाई धम्की दिएकामा नेपाल प्रेस युनियन काठमाडौं शाखाले आपत्ति जनाएको छ । नेपाल प्रेस युनियन काठमाडौं शाखाले बिहिबार एक विज्ञप्ति जारी गदै जनता टेलिभिजनमा कार्यरत पत्रकारद्धय शिखा श्रेष्ठ र धिरज बस्नेतलाई समाचारको विषयलाई लिएर शाहीले धम्की दिएको घटनाप्रति गम्भिर ध्यानाकर्षण जनाएकाे छ ।

केही दिनअघि सुर्खेतमा निज शाही माथी कुटपिट भएको र सोही विषय सम्बन्धित गत जेठ ३१ गते सोमबार जनता टेलिभिजनको कार्यक्रम ‘बाइलाइन’ मा प्रसारण भएको समाचारको विषयलाई जनता टेलिभिजनमा कार्यरत पत्रकार श्रेष्ठलाई असार १ गते फोन गरी अपशब्द प्रयोग गर्नुका साथै धम्की दिएको घटनाको नेपाल प्रेस युनियन काठमाडौ शाखाले घोर भ्रत्सना गरेको हो ।