काठमाडौं । नेपाली कांग्रेसका नेता एवं पूर्व सूचना तथा सञ्चार राज्यमन्त्री तप्तबहादुर विष्टको निधन भएको छ । उनको शनिबार राति ललितपुरस्थित मेडिसिटी अस्पतालमा उपचारका क्रममा निधन भएको कांग्रेसले जनाएको छ ।

बिष्टको भेन्टिलेटरमा उपचार भैरहेको थियो । कोरोना संक्रमण पुष्टि भएपछि बिष्टको गत जेठ १६ गतेदेखि कर्णाली प्रदेश अस्पतालमा उपचार हुँदै आएको थियो ।

तर स्वास्थ्यमा सुधार नआएपछि उनलाई थप उपचारका लागि जेठ गत २६ गते हेलिकप्टरमार्फत काठमाडौं ल्याइएको थियो ।

नेपाली काँग्रेस सुर्खेतका पूर्व सभापतिसमेत रहेका बिष्ट कांग्रेस शेरबहादुर देउवा नेतृत्वको तत्कालीन सरकारमा राज्यमन्त्री बनेका थिए ।