,
काठमाडौं । कांग्रेस सभापति शेरबहादुर देउवालाई नेता कृष्ण सिटौलालाई कार्यवाहक सभापति दिएर अघि बढ्न उनी निकट नेताहरुले सुझाव दिएका छन् । आज आइतबार बिहान १० बजे सभापति देउवा निवासमा भएको छलफलमा देउवाले बागमतीका आफ्नो समूहका केन्द्रीय सदस्यहरूसँग छलफल गरेका थिए ।

छलफलमा सहभागी एक नेताका अनुसार सभापति देउवालाई सिटौलालाई कार्यवाहक दिएर अघि बढेमा महाधिवेशनमा नेतृत्व लिन सहज हुने सुझाब दिएका छन् ।

एक केन्द्रिय सदस्यले भने , “सिटौलालाई कार्यवाहक सभापति दिदाँ मात्र, तपाइले जित्नुहन्छ ।” निधिले साथ नदिने स्पष्ट पारिसकेपछि सिटौलालाई नै अघि बढाउँदा सहज हुने सुझाव दिएको एक नेताले जानकारी दिए ।

बागमतीमा आफ्नो समूहका केन्द्रीय सदस्यहरू र गण्डकीका केन्द्रीय सदस्यहरूसँग छलफल सुरु गरेका छन् ।