काठमाडौँ । कोभिशिल्ड खोप लगाएका ज्येष्ठ नागरिकलाई यथाशीघ्र दोस्रो डोज खोप लगाउन आदेश माग गर्दै सर्वोच्च अदालतमा रिट दर्ता भएको छ । पहिलो चरणमा साढे १३ लाख ज्येष्ठ नागरिकले कोभिशिल्ड खोप लगाएका थिए ।

उनीहरुलाई दोस्रो चरणको खोप लगाउन माग गर्दै सर्वोच्च अदालतमा ज्येष्ठ नागरिक चिरञ्जीवि बास गिरीले सोमबार रिट दर्ता गराएका छन् । उनको रिटमा मंगलबारका लागि पेशी तोकिएको जनाइएको छ ।

फागुन २३ गतेदेखि चैत ३ गतेसम्म ६५ वर्षमाथिका ज्येष्ठ नागरिकलाई कोभिशिल्ड कोरोना खोप दिइएको थियो । तर, पहिलो खोप लगाएको १२ हप्ताभित्र दोस्रो ओप खोप दिनुपर्ने भए पनि साढे १३ लाख ज्येष्ठ नागरिकले दोस्रो खोप अहिलेसम्म पाएका छैनन् । भारतीय कम्पनीले खोप नदिएपछि सरकारले बेलायतबाट खोप ल्याएर ज्येष्ठ नागरिकलाई दिने बताउँदै आएको छ ।