काठमाडौँ । साताको तेस्रो कारोबार दिन आज मंगलबार नेप्से परिसूचक उच्च अंकले बढेको छ । मंगलबार नेप्से ७९ दशमलब ४४ अंकले बढेर २ हजार ९ सय १३ दशमलब ८४ बिन्दुमा पुगेको छ ।

कूल २ सय २५ कम्पनीको १० अर्ब २८ करोड ६२ लाख ६९ हजार ९ सय ५७ रुपैयाँ बराबरको १ करोड ९७ लाख ७० हजार ६ सय ३८ कित्ता शेयर खरिद विक्रि भएको स्टक एक्सचेञ्जले जनाएको छ ।

कारोबार भएकोमा अपि पावर कम्पनी, बरुण हाइड्रोपावर लगायत ३२ कम्पनीको सेयर मूल्यमा सकारात्मक देखिएको छ । मंगलबार सबै समूहको समूहगत सुचक बढेर हरियाली भएको छ ।

विकास बैंकको समुहगत सूचक सर्वाधिक बढी ५ दशमबल ७७ प्रतिशत बढेको छ भने हाईड्रोपावर समुहको ५ दशमलब ४७ प्रतिशतले बढेको स्टक एक्सचेञ्जको मापकले देखाएको छ ।

स्टक एक्सचेञ्जका अनुसार यस्तै नेपाल पूनर्बीमा कम्पनीको सर्वाधिक बढि १ अर्ब ४९ करोड ३२ लाख रुपैयाँ बराबर र एचआइडिसीएलको ३२ करोड २५ लाख रुपैयाँ बराबरको सेयर कारोबार भएको छ ।