काठमाडौँ । आगामी बिहीबार अर्थात जुलाईदेखि नेपाल र मलेसियाबीच हवाई उडान हुने भएको छ । नेपालमा कोरोना भाइरस (कोभिड–१९)को नयाँ भेरियन्ट फैलिएसँगै बन्द भएको हवाई उडान सुरु हुने भएको हो ।

गत असार ७ गते बसेको नेपाल सरकार मन्त्रिपरिषदको बैठकको निर्णयअनुसार हप्तामा ४ वटा उडान हुने भएको हो । जसमा हरेक हप्ताको शनिबार बिहान ४ः४५ बजे र बिहीबार बेलुका ६ः१५ बजे उडान हुनेछ ।

नेपालका तर्फबाट नेपाल एयरलाइन्स र हिमालय एयरलाइन्सले उडान भर्ने छ । यस्तै, दुई उडान मलेसियाको वायु सेवा कम्पनीले गर्ने भएको छ ।

नेपालस्थित मलेसियाको राजदूतावासले जारी गरेको विज्ञप्तिअनुसार नेपाल आउने नेपालीले ७२ घण्टाभित्र गरेको पिसिआर रिपोर्ट आवश्यक हुनेछ । यसैगरी, सरकारले तोकेको होटलमा क्यारिण्टिन बस्नु पर्नेलगायतमा ध्यान दिन आग्रह गरेको छ ।