काठमाडौँ । विपक्षी गठबन्धनका शीर्ष नेताले बुद्धिजीवीसँग अन्तक्रिया थालेका छन् । सोमबार विपक्षी ५ दलले विभित्र पेशागत क्षेत्रका बुद्धिजीवीसँग नयाँ बानेश्वरमा अन्तक्रिया सुरु गरेका हुन् ।

अन्तक्रिया कार्यक्रममा बोल्दै वरिष्ठ अधिवक्ता शम्भु थापाले विपक्षी दललाई सत्तामा नभएको बेला बुद्धिजीवीहरूको आवश्यकता परेको बताएका छन् । थापाले सत्तामा रहुञ्जेल बुद्धिजीवी नचाहिने र सत्ताबाहिर पुगेपछि चाहिने भन्दै ब्यङ्ग्य गरे । उनले सबै दल मिलेर समाजवाद ल्याउने संविधानमै लेखेको तर समाजवाद ल्याउने कुनै काम नगरेको पनि बताए ।

अधिवक्ता थापाले काँग्रेस सभापति शेरबहादुर देउवालाई सरकारले गरेको संवैधानिक नियुक्तिमा कति भाग पाएको छ भन्दै प्रश्न गरे । उनले राष्ट्रपतिलाई थप अधिकार नदिन आग्रह गरेका छन् । उनले मुद्दा हेर्ने न्यायाधीश छान्दा धेरै देशमा पैसा खाएर वाक्क दिक्क पारेपछि अटोमेशन सिस्टम ल्याएको छ । नेपालमा केही न्यायाधीशले त्यसको अभ्यास गर्न खोजेपनि अहिले त्यसलाई रोकिएको उनले बताए ।